Shillong Naiwieng 16: Ka Sorkar Pdeng kala bthah ia ki kynhun pahara ban shim ia ki sienjam ban wanrah biang ia ka shongsuk shongshngain ha ka jylla Manipur bad kala kyntu ia ki paidbah ba kin long kiba jai jai.
Ka Sorkar Pdeng hadien ka jingsakhi ba ka jinglong jingman jong ka jingshngain ha Manipur ka long kaba ym thikna ha kine ki sngi ba la dep khamtam ha ba ki riewkiengatiar na baroh ar liang ki jaidbynriew kiba don jingiathut, kila leh donbor bad kala lam sha ka jingduh ki mynsiem briew bad kala ktah ia ka shongsuk shongsain.
La bthah ia baroh ki kynhun pahara ba kin shim ia ki sienjam ban wanrah biang ia ka shongsuk shongsain. Yn leh da kaba tyngeh ia kino kino kiba pynkulmar bad ia ki Case kiba heh la aiti sha ka NIA ban pynlong ia ka jingtohkit.
Kala kyntu ia ki paidbah ba kin long kiba jai jai, ba kin ym sngap ia ki khanathok bad ba kin iatreilang bad ki kynhun pahara ban wanrah ia ka shongsuk shongsain bad ka jingbud ia ka aiñ ha ka Jylla.
