Shillong, Naiwieng 12: Ka Police Bazar Welfare Society hynne ka sngi Nyngkong, kala kyntu ia ka Tnad PHE ban shimkhia halor ka jingkyrduh um ha katei ka thaiñ.
Ha ka shithi kaba la phah sha u Executive Engineer ka PHE, katei ka Society kala pynpaw ba kala dep ban aiti ia ka shithi jingujor na ki nongshong shnong ka Thana Road ha ka 15 tarik u Iaiong 2024 halor ka jingbym ioh ia ka um ha kathain hynrei haduh mynta ym shim la don ba shimkhia satia.
“Nalor kane, ngi lah ujor ruh ia katei kajuh ka jingeh ha ka jaka ka jong ngi. Ha u bnai ba la dep, ngi lah ioh jingtip ba ki ophisar na ka PHE bad SMB kin sa wan jurip ia katei ka jaka ban shimkhia ia katei ka jingeh hynrei ym shim la don satia mano mano ruh kiban wan mih bad haduh mynta ym shim la don kano kano ka jingshimkhia na ka PHE ne SMB. Halor katei ka bynta, ngi la phah ruh ia ka jingthoh sha u CEO ka SMB halor katei kajuh hi, ha kaba la tyngkhap lang ia katei ka kopi” la pynpaw ka Society.
“Kumta sa shisien ngi kyrpad ia ki bor kiba dei khmih ban shimkhia mardor halor katei ka jingeh, namar la 6-7 bnai kila shu iaid ki jingujor ki jong ngi, hynrei kam shym la don kano kano ka jingshimkhia bad ka resol kaba la mih ka long hi ka jingkyrduh um ha katei ka jaka” la pynpaw.
