Shillong, Naiwieng 09 : Ka Achik NEHU Students Union (ANEHUSU), kala ai jingkyrshan ia ka jingiakhih jong ka NEHUSU bad KSU-NEHU Unit da kaba iashimbynta lang ha ka jingiashah jingit bad pynlong jingduwai ha Tura Campus.
Ka Achik NEHU Students Union kala pynlong ia ka jingshah jingit hynne ka sngi Saitjain naduh ka por 1 baje mynstep haduh 12 baje janmiet bad ka jingialang duwai naduh ka por 10 baje mynstep hakhmat ka Administrative Block Building ha Tura Campus.
“Haba ngi iohi ia ki jingiakhih bad ki jingbym ithikna ia ka jinglong jingman ha ka University Campus jong ngi namar ka jingmynthi jong u Vice Chancellor ia ka jingdawa ki samla pule, ngi kubur ia ki jingeh bad ki jingtynjuh ba mad da ki samla pule kiba iashong shah thngan ban wanrah jingbha ha ka University” ong ka shithi ka Achik NEHU Students Union.
Ka ong ba lyngba kane ka jingshah jingit bad jingduwai, ka jingthmu ka long ban kyrshan bad iashimbynta shitrhem lang ha ka jingiashong shah thngan jong ki samla pule ha Shillong Campus.
, kala ai jingkyrshan ia ka jingiakhih jong ka NEHUSU bad KSU-NEHU Unit da kaba iashimbynta lang ha ka jingiashah jingit bad pynlong jingduwai ha Tura Campus.){kind=link}