Nongstoiñ, Naiwieng 6 : Ki nongshongshnong ka thain Nongstoin, hynne ka sngi Balang kila kynnoh b aka kompani kaba shna ia ka surok na Nongstoin sha Wahkaji, kala khlong maw beain n aka wah Phodkynthei kaba dang hap hapoh u pud u sam ka shnong Mawkawah, khlem da pan jingbit na ka Dorbar Shnong.
Kane ka jingkynnoh kala mih hadien ka jingleit tohkit ia ki nongkhlong maw bad tih shyiap da ki puh shilum ha kane ka Wah kaba long pyrshah ia ka hukum bala pynmih da ka Sorkar ba khang ban tih maw ne khat syiap na ki wah.
U Bah Mosklandar Marngar haba iakren bad u nongthoh khubor, ula ong ba ki paidbah kila pyntip sha u ia ka jingwan khlong maw bad tih shyiap da kane ka kompani bad mar mar ula hiar jurip bad kylli pyrthew ia kine ki briew, kiba la pyntip ba ki dei tang ki nongtrei ia kaba la bthah da ki nongpyniaid ka kompani.
U Bah Mosklander ula pyntip ruh ba ula iakren lyngba ka phone ia ki nongpyniaid jong kane ka kompani kiba la pyntip ba kila ioh jingbit na ka Tnad Forest bad ki bor District ban leh ia kane ka kam. Hynrei u iathuh pat ba ha ka jingwad jingtip, la shem ba kane ka kompani kala shu thok.
U Bah Mosklander u pyntip ba mar mar ula pyntip ia kane ka kam sha ki Pulit bad sha ka Ophis jong u District Forest Officer, kiba la wan hadien sha kane ka jaka ban tohkit.
U pyntip ba ki Heh ka Tnad Forest bala ialam da u Asst Chief Consrvator of Forest bad ki Pulit hadien ka jingiakren kaba la neh slem, kila pynsangeh noh ia kane ka kompani na ka jingkhlong maw bad shyiap na kane ka wah.
