Shillong, Naiwieng 4: Ka Achik Conscious Holistically Integrated Krima (ACHIK) kala dawa ban thung mardor ia u/ka Pro Vice Chancellor jong ka Tura Campus ka North Eastern Hill University (NEHU).
Ha ka shithi sha u VC ka NEHU, ka ACHIK kala ong “ Ngi kyrdan da ka burom ba phin thung noh mardor ia u/ka Pro VC jong ka Tura Campus ka NEHU. Ka jingbym don u/ka Pro VC ha Tura Campus kala wanrah ia ka jingdkoh ha ka jingtrei jingktah kaba ktah ia baroh ki nonghikai bad ki samla pule”.
Kala ong ruh ba ka jingdon u/ka Pro VC ha Tura Campus ka long kaba donkam halor kine ki daw ba kynthup ia ka jinglah ban shim rai kloi halor ki kam kiba kyrkieh jong ka campus, ban tuklar ia ki jingeh ki samla pule, ki academic program bad ki jingdonkam ki nonghikai.
