Shillong, Risaw 25: U Syiem ka Hima Khyrim u Dr. Balajied Singh Syiem hynne ka sngi u la leit ban ïakynduh ïa u Lat ka Jylla u C.H. Vijayashankar, ha Raj Bhavan.
Ha kane ka jingiakynduh na ka liang jong u Paiem Balajied u la khot sngewbha ia u Lat ban wan kum u Kongsan ha ka shad Nongkrem.
U Paiem Balajied u la pynshai ïa u Lat ka Jylla halor ka kolshor jong ka Shad Nongkrem, kawei na ki tamasa tynrai ha Meghalaya, kaba la rakhe ban wad ïa ki jingkyrkhu na ka bynta ka jingkheit mar rep bad ka jingroi jingpar jong ki paidbah. Ka tamasa ka long ka jingpynpaw pyrthei ia ka riti dustur bad ki riti dustur ba riewspah jong ka jaitbynriew Khasi.
U Lat u la pynpaw ia ka jingsngewnguh halor ka jingkhot bad u la iaroh ia ka jingdonkam ban pynneh pynsah ia ki riti dustur kiba tehsong ia ki paidbah ka jylla Meghalaya.
U la ong ba ki tamasa kum ka Shad Nongkrem kim long tang kum ka jingrakhe ia ka kolshor hynrei ki long kum ka jingpynshisha ia ka histori jong ka jylla bad ka mynsiem iatreilang.
U Lat u la pynpaw ka jingsngewtynnad ia ki jaka tynrai jong ki Khasi bad u la pynthikna ia ka jingshim bynta jong u ha kane ka Shad Nongkrem ka ban sa long shen da kaba ithuh ia ka jingnoh synniang jong ka ban kyntiew ia ka jingiatylli bad ka jingsarong ia ka kolshor hapdeng ki paidbah ka jylla Meghalaya.
