Shillong, Risaw 25: Ka Mawkynrew Sohphlang Eco-Cultural Indigenous Society, ka la pynlong ia ka tamasa Sohphlang hynne ka sngi Thohdieng, ha Lad-Kharang Mawkynrew East khasi Hills.
Ia katei ka tamasa la kyrshan da ka tnad Basin bad ka Tourism, kum shi bynta ban kyntiew ia ka kam rep soh-phlang.
Ki Self Help Group ha kane ka thain ki la wanrah ia ki tiar ki tar ban die, nalor ki jingbam tynrai ba kynthup ia u soh-phlang bad ki jingbam ba pynshongshit ia kane ka tamasa kaba la pynlong ha ka sien ba ar halor une soh.
Ia kane ka tamasa Sohphlang la plie da ka Myntri ka tnad Kam rep ka Kong Ampareen M. Lyngdoh.
Haba kren ha ka jingïalang, ka kong Ampareen Lyngdoh u la pynpaw ka jingsngewkmen ia ka jinglah ban pynlong ia kane ka tamasa bad bynrap ba dei ban pynlong noh ia kane ka tamasa man u snem.
Ia u Sohphlang la shim ba um dei tang u mar bam tynrai hynrei u dei uta u jait jingthung ia uba la pyndonkam ha kaba shna dawai ban ioh jingkoit nalor ka jingpyndonkam ia u ha ka niam ka rukom bad ka riti dustur u Khasi.
