Shillong, Risaw 17 : Ka All India Congress Committee (AICC) kala pynbna ia ka kyrteng jong u nongbud u MLA barim bad MP ka Tura Saleng A Sangma, kum u kyrtong ban iakhun ia ka elekshon shiteng samoi ha Gambegre Constituency.
Une u kyrtong u dei u Jingjang M Marak. Ia ka kyrteng u Jingjang la mynjur da u President ka AICC Mallikarjun Kharge.
Lah ban kdew ba ka elekshon shiteng samoi ka dei kaba la pynlong namar ka jingiehnohkam jong u MLA barim Saleng A Sangma hadien ba ula jop kum u MP ka Lok Sabha na Tura.
Ka Election Commission ka Ri India kala pynbna ia ka 13 tarik Naiwieng kum ka sngi thep vote jong kane ka elekshon shiteng samoi. Ka jingniew ia ka vote kan long ha ka 23 tarik u Naiwieng.
