Guwahati, Risaw 17 : Ka Iingkashari Supreme Court jong ki 5 ngut ki Nongbishar, kala pynksan ba ka kyndon 6A jong ka Citizenship Act, 1955 ka dei kaba ieng kat kum ka riti synshar ka Ri, da ka jingmynjur bun paid ba 4:1 ha ka sngi Palei.
Kane ka kyndon, bala wanrah ha u 1985 kum shibynta jong ka Assam Accord, ka buh ia ka nongrim ban ai long nongshongshnong ia ki katto katne ki poiwir ba wan shongshnong ha Assam.
U Chief Justice DY Chandrachud ha ryngkat ki Justice Surya Kant, MM Syndresh bad Manoj Misra, kila kyrshan ia kane ka rai katba u Justice JB Pardiwala ula pyrshah.
Ka kyndon 6A jong ka Citizenship Act, 1955, bala pyntreikam ha u 1985- ka ka dei ka Ain ban pyntreikam ia ka Assam Accord. Ka pyniapher ia ki briew ba wan poi be-ain sha Assam na Bangladesh kiba dei ki nong India ha ki lai bynta : Kito kiba wan hapoh ka Jylla shuwa u snem 1966, kito kiba sha Jylla hapdeng u snem 1966 bad 25 tarik Lber, 1971 (ka sngi ba sdang ka thma Bangladesh), bad kito kiba wan ha Jylla hadien ka 25 tarik Lber, 1971.
Ia ki briew ba nyngkong (shuwa u snem 1966) dei ban khein nongshongshnong kata ban ai jingithuh kum ki nongshong shnong ka India. Kiba wan ba-ar (hapdeng u 66-71) dei ban nym pynrung ha ki Electoral Roll bad sa pynrung hadien 10 snem. Ia kiba wan (hadien u 1971) dei ban wad bad ban beh kat kum ki kyndon ka Ain.
U Justice Surya Kant ula shem ba ia ka jingithuh kum ki nongshongshnong (Citizenship) lah ban ai hapdeng ki snem ot kyrteng kaba shong ruh halor ka jingpyndep ia baroh ki kyndon bad kito ki briew kiba wan rung hadien ka 25 tarik Lber, 1971, yn ym dei satia ban khein nongshongshnong.
U Chief Justice Chandrachud ula ong ba ka Assam Accord ka dei ka jingpynbeit da ka kam sain pyrthei ia ki jingeh jong ka jingwan rung kyrthep ki mynder ha Assam.
Ha kajuh ka por, u Justice Kant ula kyntait ba ka kyndon 6A ka dei kaba lah ban pyntreikam ha kiwei ruh ki Jylla kynthup ka West Bengal. Ula ong ba ki jingeh ha Assam ki dei kiba kham shyrkhei.
Ka Iingkashari Supreme Court ha ka sngi Palei, kala bthah ruh ia ka Sorkar Pdeng bad ka Sorkar Jylla ban pyntreikam thikna ia ki jingbthah ha ka hukum u Sarbananda Sonowal ban ithuh, bat bad pynphai ia baroh ki nong Bangladesh ba rung be-ain.
Kala pyntip ruh ba ka Iingkashari naduh mynta kan khmih bniah ia ka jingpynithuh bad jingpynphai ia ki nong Bangladesh.
 dei ban khein nongshongshnong kata ban ai jingithuh kum ki nongshong shnong ka India. Kiba wan ba-ar (hapdeng u 66-71) dei ban nym pynrung ha ki Electoral Roll bad sa pynrung hadien 10 snem. Ia kiba wan (hadien u 1971) dei ban wad bad ban beh kat kum ki kyndon ka Ain.){kind=link}