Poi ka samla Angie Marwein na Meghalaya ha ka kyrdan ba 7
Shillong, Risaw 17 : Ka samla Angie Marwein na Meghalaya kala wanrah ia ka jingsarong ia ka Jylla da kaba poi haka kyrdan ba 7 ha ka Femina Miss India 2024 bad jop ia ka Miss Multimedia Subtitle.
Ka jingjop jong ka samla Angie kala pynpaw nam ia ka Meghalaya ha ki rynsan ka Ri, haba ka ieng napdeng ki 30 ngut ki thei bhabriew kiba iakhun ia ka Feminal Miss India hadien ki jinghikai pyntbit ba bun jait.
Ka grand final, kaba long ha Mumbai, kala sakhi ia ka Nikita Porwal na Madhya Pradesh ban ioh kup ia ka painsngiat Femina Miss India 2024. Ka Rekha Panday kala wan ba-ar bad ka Ayush Dholakia na Gujarat kala wan ba-lai.
Ka Nikita, kaba la sdang ban trei kum ka nongkren TV ha ka rta ba 18 snem, kala shah pynkup painsngiat ha ka lahduh jong u snem bala lah, ka Nandini Gupta bad kala shah pyndeng ia ka Miss India sash ha ka actress bad model-Neha Dhupia.
Ka Nikita kan mihkhmat mynta ia ka India sha ka Miss World pageant, ban bud ia ki dienjam ka Ashwarya Rai, Priyanka Chopra bad Manushi Chhillar.
Kum ka dak ban rakhe ia ka jingdap 60 snem ka Miss India pageant, la pyllait paidbah ruh ia ka anthem bala ai kyrteng “Rise of Queen’ ha kane ka sngi.
