Shillong, Risaw 15 : U Vice President ka Meghalaya Cricket Association Bah Rayonald Kharkamni, ula shah thung kum u BCCI Match Observer na ka bynta ka jingialehkai Test kaba lai hapdeng ka India bad New Zealang, ka ban long ha Mumbai naduh ka 1 tarik Naiwieng.
U Bah Rayonald u dei ruh u President ka Ri-Bhoi District Cricket Association bad ula don bynta ha kiba bun ki kam ban kyntiew ia ka jingialehkai cricket hapoh ka District bad ka Jylla la bun tylli ki snem.
Lah ban kdew hangne ba ki Match Observer ki dei kiba pynkhreh ia ki kaiphod halor ki madan ialehkai, ki umpire, ki rang ialehkai bad kiwei kiwei.
Ka jingwan ialehkai ka New Zealand sha India kan sdang da ka Test ba nyngkong ha Bengaluru ha ka sngi Balang bad yn bud da ka test kaba ar naduh ka 24 tarik Risaw ha Pune bad ka test kaba lai naduh ka 1 tarik Naiwieng ha Mumbai.
