Nongpoh, Risaw 01 : Ka Tnad Pulit ka Ri-Bhoi lyngba ka Ophis u Superintendent of Police (SP) ha ka sngi Ba-ar, kala rakhe ia ka National Voluntary Blood Donation Day, da ka prokram leit synniang snam hapoh ka Nongpoh Civil Hospital Blood Centre.
U Superintendent of Police ka District Jagpal Singh Dhanoa, ula ialam dalade ban synniang snam ha ryngkat u Officer Incharge ka Nongpoh Police Station Michael Marak bad u Traffic Incharge Rubul Ali nalor kiwei ki Heh Pulit.
Haba ai jingkren, u Michael Marak ula pynpaw iaka jingkmen ban ioh iashimbynta ha kumkane ka prokram, kaba long ka jingai mynsiem bad jingkyrmen ia ki paid nongpang ba kin ioh ia ka snam haba ki donkam kyrkieh ha ka jingsumar ia ki jingpang bapher bapher.
Ula ong ba ka dei ruh ka jingaimynsiem ia ki riew paidbah ba kin wan shakhmat ban ai sngewbha iala ka snam naka bynta ban iada ia ki jingim jong ki briew kiba donkam snam.
Ula ong ba ka jingshimkhia jong u Superintendent of Police ka long kaba donkam bha khnang ba ki Pulit ruh kin don ia ka bynta kaba khraw ha kaban ai jingim ia ki para mynsiem.
 ha ka sngi Ba-ar, kala rakhe ia ka National Voluntary Blood Donation Day, da ka prokram leit synniang snam hapoh ka Nongpoh Civil Hospital Blood Centre.){kind=link}