Nongpoh, Nailur 23: Ka Khun Hynniewtrep National Awakening Movement (KHNAM) State Youth Wing, ha ka sngi Nyngkong, kala leit pan jingshai na ki bor pyniaid ka Civil Hospital, Nongpoh halor ka jingkhlad I Khunlung iba la kha da ka Kmie ha painkhana jong ka hospital.
Kane ka seng sain pyrthei hapoh ka jingialam u Working President Joseph H Pyngrope, kala leit iakynduh ia ka Medical Superinrendent ka Hospital bad kumjuh ruh ia ka Longkmie bad u Kurim kiba la duh noh iala I Khunlung myn ha ka janmiet 21 tarik Nailur.
Haba kren sha ki lad pathai khubor, u samla Joseph ula kynnoh ba ka Medical Superintendent kam shym la lah satia ban ai jingshai ha kane ka sngi bad kala phah wan biang ha kiwei ki sngi hadien ba ki bor hospital kila lum pyndep ia ki jingtip baroh.
Une u nongialam ka KHNAM ula pynem jur halor ka jingkynnoh ba kane ka longkmie ka hap ban ap haduh 2 kynta shabar jong ka khyrdop ka hospital ban ioh rung namar ba ym don briew ba ap ha kane ka khyrdop.
Ula buh jingkylli la ka “First referral unit (FRU)” bad ka “Antenatal care” ka treikam ne em ha kane ka Hospital Sorkar bad lada ka treikam u la buh pat iaka jingkylli, Balei ba katei ka longkmie kan hap ban iieng haduh 2 kynta habar ka Gate Hospital ha kapor ba wan ban phah sumar.
 State Youth Wing, ha ka sngi Nyngkong, kala leit pan jingshai na ki bor pyniaid ka Civil Hospital, Nongpoh halor ka jingkhlad I Khunlung iba la kha da ka Kmie ha painkhana jong ka hospital.){kind=link}