spot_img

Pynthikna ka Tnad MLP ba dawa pisa ka HNLC haduh T.15 lak na u Nongkhaii ha Police Bazaar

Date:

Share post:

Shillong, Nailur 19: Ka Tnad Meghalaya Police kala register case halor ka jingsam shithi dawa pisa jong ka seng Hynniewtrep National Liberation Council (HNLC) sha ki nongkhaii ha Shillong.

“Ngi la register ia ka case halor kane ka kam bad ka Sadar Police Station. Kane ka dei kaba la leh halor ka jingtohkit bala pynlong da ki kyrdan SP. Kila pynthikna ba ki briew (Nongkhaii) kila ioh pdiang ia ki shithi dawa pisa bad kumta kila register ia ka case bad ka jingtohkit kala iaid shakhmat” ong uwei u Heh Pulit.

“Ki don katto katne ngut kiba la wan pyntip ia kane ka jingjia sha ki Pulit (ba ioh pdiang ia ka shithi dawa). Don ruh kiba kloi ban aiti da ki jingujor” ula ong.

Ka tyllong khubor ka pyntip ba uwei u nongshongshnong ka Shillong ula buh ia ka jingujor haka 16 tarik Nailur ba pyntip ba ula ioh jingtip halor ka jingsam shithi dawa pisa ha kaba ka HNLC kala dawa haduh T.15 lak na ka bynta u snem 2024 na ki nongkhaii ha Police bazaar, Shillong.

Ha kajuh ka por, la ong ba ka HNLC kala byrngem ia ki nongkhaii ba kim dei ban pynlip ia ki mobile phone/kylliang ia u numbor bad byrngem ruh ia ki bad ki nongtrei ba kan shim ia ki sienjam ba tyngeh.

Une u Heh Pulit ula kyrpad ia ki nongshah dawa pisa ba kin pyntip ia kine ki kam beain sha ki Pulit. Hynrei ula ong , ba kito ki briew kiba kloi ban siew ia ka pisa, kin ngat ha ka jingpynsajia jong ka ain namar ka jingai pisa ka long kum ka jingbei tyngka ia ki kam pyntriem.

Ha kajuh ka por, ki SP jong kiwei ki District ka Eastern Range kila pynlong ia ka jingtohkit halor ka jingsam shithi dawa pisa da ka HNLC hala ki jong ki jong ki District.

Share post:

spot_img
spot_img

Popular

More like this
Related

Pynbna u SDO ban khang iaid kali na ka surok Laitlyngkot-Lyngkyrdem

Shillong, Jylliew 20 : U Sub Divisional Officer (c)...

Sospon ka NEHU ia u Professor ba shah kem ha ka CBI halor ki kam bamsap

Shillong, Jylliew 20: Ka North Eastern Hill University (NEHU)...

Over 5,000 foreign social media accounts backing Assam Congress: CM flags national security concern

Guwahati, June 21: Assam Chief Minister Himanta Biswa Sarma...