Shillong, Nailur 08 : Kum ka jingbteng ia ka jingkhynra kyiad ba khaii beain bad ki kam runar hapoh ka Nongbah, ki Pulit ka East Khasi Hills District hynnin ka miet, kila pynlong biang ia ka jingkhynra bad ioh kurup haduh 250 liter ka kyiad ba khaii be-ain.
Kane ka kyiad ka kynthup ia 50 liter ka kyiad phareng (IMFL) bad palat 200 liter ka kyiad pyrsi.
Ia kane ka jingkhynra la pynlong ha ka thain Sadar, Polo, Urkaliar, Laitumkhrah, Madanrting bad Mawblei.
Ha kane ka jingkhynra, ki Pulit kila leit tehlakam ruh ia ki jingtem jingrwai ba pynheh sur ha ki kali ba pynieng harud surok, ka jingbat ia ki kali ba niah da kiba la shoh khaw-iang bad kiwei kiwei.
Ki Pulit ka East Khasi Hills kin iai bteng ia kane ka jingkhynra ban wanrah ia ka jinglong ba shngain, bad ba suk ba sain ha nongbah Shillong.
 bad palat 200 liter ka kyiad pyrsi){kind=link}