Tura, Nailar 28: Ka Meghalaya Cricket Association (MCA) ka la pynkhreh nadong hadong ban pynlong ia ka North East Cricket Development Council (NECDC), kaba kynthup ia ki 6 tylli ki jylla ka thain Shatei Lam Mihngi, bad kumjuh ruh ia ka Senior Women’s Inter State Tournament, kaban pynlong ha Ri Bhoi district.
Ïa katei la pyntip da u President ka MCA u Nababrata Bhattacharjee hadien balawai ka jingïalang jong ka Apex Council kaba 18 kaba la long ha Hotel Polo Orchid, Tura ha West Garo Hills ha ka sngi baar.
Ha kane ka jingialang la wan ban iashimbynta da ki nongialam bad ki nongkitkam ka MCA ryngkatbad ki nongmihkhmat na ka Tura District Cricket Association (TDCA), ha kaba kila iatai sani na ka bynta ban ai jingmynjur ia ki Coach bad ki Support Staff, kijingpynkhreh naka bynta ban ai jinghikai pyntbit, ka jingkhot Tender bad ka rukom jied na ka bynta ka jingiakhun kiban wan.
Ka Association ka dong ruh ia ka jingthmu ban pan ban ioh pynlong ia ka U-23 BCCI Tournament bad ia kine ki jingialehkai la thmu ban pynlong ha Alotgre Cricket Ground da ka jingthmu ban ialeh ban kyntiew ia ka criket ha ka thain.
U President ka MCA, u Nababrata Bhattacharjee, ula pyntip ia ka SHLEM ba u Abey Kuruvilla, u General Manager jong ka BCCI, yn leit jurip ia ka madan bad ki jingdon jingem baroh kiba don ha kylleng sawdong jong ka Tura ha ka sngi Balang (28 tarik u Nailar). Ka jingmynjur ka BCCI ban pynlong ïa ka lympung iakob ialehkai jongka U-23 ha Tura kan long katkum ka jingmih na kane ka jingleit jurip.
“Ngi dang khmih lynti ba kin ai ia ka jingmynjur bad kane ka kabu kan long ka jingkyntiew kabakhraw ia ka Garo Hills Zone baroh kawei bad khamtam eh ia ka Criket ha ka jylla Meghalaya,” u la pynpaw.
Ka MCA bad ka TDCA kila pynpaw ba ki don iaka jingshaniah kaba skhem ha ka jingpynkhreh bad jingpynbit pynbiang ka jongki na ka bynta ki jingïakhun kiban sa wan.
Ia ka Apex Council, la seng ha u 2018 hadien bala ioh iaka riti treikam kaba thymmai katkum ka jingbthah jongu nongbishar bala shongthait u Justice R. M. Lodha bad kane kala bteng ha kaban pynwandur ia ka lawei jong ka Cricket ha ka jylla Meghalaya.
 ka la pynkhreh nadong hadong ban pynlong ia ka North East Cricket Development Council (NECDC), kaba kynthup ia ki 6 tylli ki jylla ka thain Shatei Lam Mihngi, bad kumjuh ruh ia ka Senior Women’s Inter State Tournament, kaban pynlong ha Ri Bhoi district. .){kind=link}