Shillong, Nailar 28: U Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong ha ka sngi Balang, ula ong ba ka kam ba iadei bad ka jingpynlong ia ka elekshon sha ki lai tylli ki Autonomous District Council (ADC) ka dang iaid shaid shaid ha ka jingiapynbeit.
Kat kum ka jingong jong u, ka jingpynbeit ia ka tarik ban pynlong ia ka elekshon MDC ruh ka dang don hapdeng ka jingiapynbeit.
Kumba long mynta, ka samoi treikam jong ki artylli ki ADC ha Khasi bad Jaintia Hills la pynjlan haduh hynriew bnai, ka ban sa kut noh ha ka 5 tarik u Nailur.
Halor ka jingdonkam ban shah pyndonkam ia ka ktien shnong ha ka por pynbam smai ia ki MDC ba thymmai, u Bah Prestone ula ong haba jubab hapoh ka Iingdorbar ba ka Rule 37 jong ka Assam and Meghalaya Autonomous District (Constitution of District Council) Rules, 1951 (Amended) ka ong ba ki dkhot ki lah ban kren hapoh ka Council da kano kano ka ktien ba kren ha ka thain kaba hap hapoh u pud u sam jong ka Council lane kano kano ka ktien bala ithuh hapoh ka Jylla.
 Bah Prestone Tynsong ha ka sngi Balang, ula ong ba ka kam ba iadei bad ka jingpynlong ia ka elekshon sha ki lai tylli ki Autonomous District Council (ADC) ka dang iaid shaid shaid ha ka jingiapynbeit.){kind=link}