Shillong, Nailar 27 : Ka Sorkar Jylla kala tyrwa biang ia ka song pisa ba T.5,00,00,000 ban leh ia ka LiDAR Aerial Survey na ka bynta ki 6 tylli ki jaka ba dang sah ha ka jingiapynbeit pud hapdeng ka Meghalaya bad Assam.
Ia kane ka la tyrwa ha ka List of Suplementary Demand for Grants and Supplementary Appropriation for 2024-2025 bala wanrah hapoh ka Iingdorbar Thaw Ain ka Jylla, ha ka sngi ba nyngkong jong ka Dorbar Synrai myn ha ka 23 tarik.
“Ka Song bynrap ba T.5 klur ka donkam ban leh ia ka LiDAR Aerial Survey ia ki hynriew tylli ki jaka ba dang sah ban iapynbeit ia ka jingkajia pud hapdeng ka Meghalaya bad Assam namar kam shym la don ka jingmang tyngka ia 50 tylli kiwei pat ki jingpynlut ha ka mang tyngka ba mynta jong u snem 2024-25”.
Ka jingiakren pud jong ka wat baa r hapdeng ki arjylla ban wad ia ki lad ki lynti ha kaban iapynbeit ia ki hynriew tylli ki jaka ba dang sah-Langpih, Nongwah Mawtamur, Deshdoomreah, Block I, Block-II bad Khanduli-Psiar, ka lah ban urlong hadien ka Dorbar Synrai, ong ka khubor.
Ha ka 10 tarik Naitung, ka jingaiti ia ki kaiphod da ki lai tylli ki Regional Committee on Inter State Boundry Issue sha ki Jylla, la pynjlan biang tad haduh ka 30 tarik u Nailur.
