Nongpoh, Nailar 23 : Ka seng Hynniewtrep Achik National Movement (HANM)-Western Ri-Bhoi, kala kyntu ia u MLA ka Jirang Bah Sosthenes Sohtun ba un kren ia ki jingeh ki paidbah ka thain Jirang ha ka Dorbar Synrai ba sdang hynne ka sngi Thohdieng.
Kat kum ka kyrwoh ka seng, kala ai jingmut ia u MLA ban kren halor ka surok Belahari sha Rajakhomai, ban buh ia ka Police Outpost ha Balakhawa, ka Fire & Emergency Service Station ha Patharkhmah bad ban pyntreikam pura noh ia ka Patharkhmah Civil Sub Division.
Nalor kine, kala kyntu ruh ban kren halor ka jingplie noh ai ka Model Degree College ha Patharkhmah khamtam ban wanrah shibun ki skhim pynroi ha ki shnong khappud jong ka constituency.
Ha kajuh ka por, u President samla Sumar Lyngdoh ula kyrpad ruh ia u Myntri Rangbah ka Jylla bad ki Myntri Sorkar ba ki dei ban kren eiei halor ka jingkynthoh pyrshah jong u Myntri Rangbah ka Assam Himanta Biswa Sarma ia ka University of Science and Technology Meghalaya (USTM) khamtam eh ka jingkren ban pynduhkam sorkar ia ki samla pule kiba la pyndep ia ki jingpule na kane ka skulbah.
Peit lang ia kane
