Shillong, Nailar 20 : Ka Tnad Election ka Jylla Meghalaya kala pyntip ba ka elekshon shiteng samoi jong ka Gambegre constituency, ka dei ban long noh hapoh ka 4 tarik Nohprah 2024.
Ia kane ka elekshon la hap ban pynlong hadien ka jingiehnoh kam jong u MLA Saleng A Sangma, hadien ba ula shah jied kum u MP ka Lok Sabha na Tura constituency dang shen.
Ka Tnad elekshon kala pyntip ruh ba kala nang pynkhreh shaid shaid ia kane ka elekshon shiteng samoi ban wan ha Jylla.
Haba pyntip iakane, u Chief Electoral Officer, Dr BDR Tiwari, ula pynthikna ba baroh ki jingpynkhreh kila iaid kumba dei ban long kat kum ki kyndon jong ka Election Commission ka ri India.
U Dr Tiwari ula pynpaw ruh ba ka ECI kala de plum ia ka jingialang lyngba ka video conference myn ha ka sngi ba-ar bad ki tnad elekshon jong ki Jylla bapher bapher.
