Agartala, Nailar 14: Ka seng Bharatiya Janata Party (BJP) kaba bat ia ka lakam ka jingsynshar ha Tripura, kala sar ia ka jingjop ha ka elekshon 3-tier jong ka Panchayat ha Tripura.
Ka BJP ka la jop hajan baroh ki seat jong ka Zilla parishad, ki panchayat samiti bad ki gram panchayat.
Katkum ka result, ka BJP ka la jop haduh 113 na ki 116 tylli ha ki 8 tylli ki zilla parishad, ka Congress ka la ioh ar tylli ki seat, katba kawei ka seat ka la leit sha ka CPI-M.
Na ki 423 tylli ki seat ha ki 35 tylli ki panchayat samitis, ka BJP ka la jop 403 tylli, ka Congress ka la ioh 8 tylli, ka CPI-M kala ioh 7 tylli, katba kawei ka seat la jop da u kyrtong shimet. Ia ka result na ka bynta ki saw tylli ki seat kiba dang sah ym pat lah ban pynbna.
Na ki 6,370 tylli ki seat ha ki 606 tylli ki gram panchayat, ka BJP kala ioh 5,883 tylli, bud sa ka Congress (138), ka CPI-M (137), ka Tipra Motha Party (102), bad ki Independent (20). Ia ka result na ka bynta ki seat kiba dang sah ym pat lah ban pynbna.
Katkum ka jingkheiñ jong ka State Election Commission (SEC), shwa ban long ka elekshon ha ka 8 tarik u nailar, ka BJP ka la jop haduh 4,806 (70 per cent) na baroh ki 6,909 tylli ki seat khlem da don jingïakhun ha ki gram panchayat, ki panchayat samitis, bad ki zilla parishad hadien kane la pynlong ruh ïa ka elekshon ha u snem 2018.
Baroh ki don 4,761 ngut ki kyrtong kiba mihkhmat ia ki seng sain pyrthei bapher bapher kiba la iakhun ia kane ka elekshon ha ki 8 tylli ki District, khlem da khein ia ki jaka kiba hap hapoh ka Tripura Tribal Areas Autonomous District Council (TTAADC), ka ban sa pynlong ia ka elekshon jong ki Village Committee (kaba iaryngkat bad ki gram panchayat) kham hadien.
 kaba bat ia ka lakam ka jingsynshar ha Tripura, kala sar ia ka jingjop ha ka elekshon 3-tier jong ka Panchayat ha Tripura.){kind=link}