Shillong, Nailar 02 : Ka Sorka Jylla kala jer kyrteng thymmai ia ki 7 tylli ki surok bad artylli ki Jingtei ki ban sa khot noh nangne shakhmat.
Kine ki surok ki kynthup ia ka surok NH-217 sha Iew Baghmara Bong ka ban tip noh kum ka surok Capt.Williamson A Sangma, ka surok na Mawkdok sha Ophis u Syiem ka Sohra ba iaid lyngba ka Iewbah Sohra sha ka surok Syiem Duwansing Syiem, ka surok na Sohra (gate) Nongsawlia sha Saitsohpen-Mawsmai sha ka surok Thomas Jone, ka surok PWD najan Bajengdoba UP School haduh ka Iingsah u Ullum R Marak kum ka surok Ullum R Marak, ka surok na Iingdorbar ka Mawkhar sha Jaiaw Langsning kum ka surok Doctor Hugh Gordon Robert, ka surok na Holy Cross Hospital sha ka surok Bishop George Mamalassery bad ka surok na ka ophis u SP ka WGH sha ka Police Reserve sha ka surok Leo Sangma.
Kane ka long kat kum ka jingpynbna bala pynmih da u Secretary ka GAD Bah CVD Diengdoh ha ka 29 tarik u Naitung.
Kumjuh ruh ia ka Raitong Building la pynkylla kyrteng sha ka Lum Shyllong Building bad ia ka GNM School of Nursing Nongpoh sha ka GNM School of Nursing Pahamsyiem Nongpoh.
Ka Sorkar kala jer kyrteng ruh ia ka Lumbatngen (Law-u-Sib) sha ka Lumbatngen.
