Shillong, Naitung 25 : Kawei ka Iing ba sahwai da ki bar jylla, kala shah kawang petrol bomb hynne ka step sngi Palei ha ka shnong Mawbah (Barapathar).
Kat kum ka jingiathuh u Superintendent of Police ka East Khasi Hills, kane ka jingjia kala jia hapdeng 7:30 haduh 8 baje eiei mynstep. Kane ka Iing ka dei jong ka kong Julie Lyngdoh bad kaba sahwai da ki bar jylla.
Ula ong ba ki runar kila leit ban kawang maw shuwa ia kane ka Iing hashuwa ban kawang petrol bomb. Une u petrol bomb ula bthei hynrei kam shym la don satia kano kano ka jingjulor bad jingmynsaw.
U pyntip ba ki runar kila wan mih na ka jaka khlaw ba marjan ban leh ia kane ka kam pyntriem.
Ia kane ka jingjia la register case ha Lumdiengjri Police Station bad ka jingtohkit mynta kala iaid shakhmat.
.){kind=link}