Kyndit ka KSU ba hap siew khajna bai jaka ka Lady Keane College

Date:

Share post:

Shillong Nailar 13: Ka Khasi Students Union (KSU) ka pynpaw ia ka jingkyndit halor ka jingmih khubor ba ka Lady Keane College kan hap siew haduh 45 lak tyngka sha ka Cantonment Board kum kata ka khajna bai jaka lane ka ‘Property Tax’ na ka bynta ka samoi naduh 1 tarik Iaiong 2022 haduh u 31 tarik Lber 2023.

U General Secretary ka KSU u samla Donald V Thabah ula pynpaw ba ka jingdawa ia kane ka khajna kaba heh haduh katne katne ka long ka bym lah ban pdiang khamtam ha kaba iadei bad ka jaka ai jinghikai.

“Ka KSU ka buh jingkylli kumno ka Cantonment Board ka lah ban kam trai ia ka jaka ba don ka Lady Keane College haba ia kane ka kolej la seng naduh u snem 1935 bun bun snem shwa ban kha ia ka Cantonment Board” ula ong

“Ka long kaei kaei ka bym sngew shong nongrim ban shu dawa ia katei ka khajna kynsan kynsan khamtam haba ia katei ka kolej la seng naduh ki por ba synshar ka Ri Bilat” ula bynrap.

Une u nongialam ka KSU ula ong “Ha ka jingshisha, wat lada ngim shah synshar shuh ha ka Ri Bilat, ka sorkar kala dei ban mang bad ithuh kyrpang ia kum kine ki jaka ai jinghikai kiba la shakri ia ka thain bad ka jylla da ki phew phew snem ba kin lait na ki jyrwit jyrwat ki ain ba thymmai ka India bad ka jylla Meghalaya”.

Ula ong, kat shaba phai ha kylleng satlak ka pyrthei, baroh ki trei borbah ban kyntiew ia ka pule puthi hapdeng ki kynthei ban lait na ka jingsahdien bad ba ki kynthei ki lah ban ieng ha la ki kjat.

“Ka Lady Keane College ruh ka dei kawei ka shlem hikai ia ka pule puthi kaba la seng kyrpang tang na ka bynta ki kynthei. Shibun ngut ki riewkynthei kiba pawkhmat ka jylla ki la mih na kane ka kolej bad shibun ngut ki samla kynthei ki la lah ban ieng ha la ki kjat lyngba ka jingshakri jong kane ka kolej” ula ong.

U nongialam ka KSU ula pynpaw ba ka Lady Keane kala ai jingmyntoi shibun eh ban rat dyngkhong ia ka jingsahdien ki khun kynthei ka Jaidbynriew Khasi, hynrei sngewsih pat ba hapdeng ka jingshakri kaba radbah, ka bainong ba kane ka kolej ka ioh ka long ka jingshah dawa bad jingshah teh shah khum.

“Ka jingkylli mynta ka long, kaei ba ka Cantonment Board kan leh lada kane ka kolej kam lah ban siew ia katei ka khajna? Kaei kaban jia ia ki samla pule katei ka kolej? Mano ban bah khlieh ia ka lawei jong kitei ki samla? Hato ka Cantonment Board kan lah ban bah khlieh? Lane ka sorkar jylla kan bah khlieh?” buh jingkylli u nongialam ka KSU.

Ka KSU ka pynpaw ia ka jingpyrshah kaba jur ia kane ka jingleh donbor ia ki shlem ai jingnang jingstad kaba la noh shi katdei ia u synniang u bynhei ha kaban kyntiew ia ka pule puthi bad ka sorkar ka dei ban tuklar noh mardor ia kane ka mat bad ka KSU ka ai ka jingkyrshan kaba pura iaki bor pyniaid jongka Lady Keane College.

Share post:

spot_img

Popular

More like this
Related

7 aides of Amritpal Singh to be transferred from Dibrugarh Central Jail to Punjab

Dibrugarh, Mar 17: A 25-member team of Punjab Police...

Bomb scare at Laitumkhrah Police Point turns out to be false alarm

Laptop found inside suspicious bag  Shillong, March 17: The state...

Meghalaya student dies of suspected food poisoning in Karnataka

Shillong, March 17: A 13-year-old student from Meghalaya died...

Shillong to host 7th Act East business show, 12 countries to participate

Shillong, March 17: Representatives of 12 countries will participate...