Shillong, Jylliew 22: Ki don 364 ngut ki khynnah bad 800 ngut ki rangbah bad longkmie kiba im bad u khniang jingpang HIV hapoh Meghalaya.
Ia kane la pyntip da u Chairperson ka National Commission for Protection of Child Rights (NCPCR) u Priyank Kanoongo haba pyntip baka Commission kala bthah iaka Sorkar Jylla ban pynthikna ba kiba don iaka jingpang HIV ki dei ban ioh lut ki lad jingiarap.
U Kanoongo ula ong watla ki kam shah thombor ki khynnah ka duna bha hapoh ka Jylla Meghalaya hynrei ka Commission ka sngewkhia namar ka jingdon ki khynnah kiba im bad u khniang jingpang HIV.
“Ngi ioh jingtip ba ki don 364 ngut ki khynnah bad 800 ngut ki rangbah bad longkmie kiba im bad u khniang jingpang HIV hapoh ka Jylla. Ka Commission kala bthah iaka tnat ba dei khmih jong ka Sorkar Jylla ba kan bishar bniah naka bynta ban ai ki lad jingiarap pisa iaki khynnah hapoh ka kyndon 45 jong ka Juvenile Justice Act (JJ Act) la ong u Kanoongo.
U Chairperson ka NCPCR ula iathuh baka Commission ka la bthah iaka Sorkar Jylla ba kan eksamin iaki longiing ba don kiba im bad u khniang jingpang HIV naka bynta ban sam jingiarap.
“Naka liang ka Sorkar Jylla ruh kala shimkhia ban iarap iaki ba im bad u khniang jingpang HIV bad ngi la ioh jingtip ba ka Sorkar Jylla kala iarap ia kumba 2700 ngut” ula ong.
 u Priyank Kanoongo haba pyntip baka Commission kala bthah iaka Sorkar Jylla ban pynthikna ba kiba don iaka jingpang HIV ki dei ban ioh lut ki lad jingiarap.){kind=link}