Shillong, Jylliew 22: Ka National Commission for Protection of Child Rights (NCPCR) kala rai ban iatreilang bad ki lai tylli ki Autonomous District Council (ADC) ban iada ia ka hok ki khynnah ha Meghalaya.
“Ngin sa iatreilang bad ki ADC ban pynshai paidbah halor ka POCSO Act bad ban khanglad ia ka jingarmet khynnah” ong u Chairperson ka NCPCR Priyank Kanoongo haba iakren bad ki nongthoh khubor hynne ka sngi Saitjain.
“Ngin sa pynlong ia ki jingialang ban ai jingbatai bad ki workshop nalor ki jingiasyllok bad ki ADC. Ha une u snem mang tyngka ba mynta, ngin sa pynlong ia ki workshop bad baroh lai tylli ki ADC halor ki kam bad iadei bad ka hok jong ki Khynnah” ula ong.
U Kanoongo ula ong ba ka Commission kala ioh ia ka jingkular na ka Sorkar ba kan sa sdang shen ia ka kam ban thung ia ka Chairperson ka State Commission for Protection of Child Rights (SCPCR).
Nalor kane, ka NCPCR kala bthah ruh ia ka Sorkar Jylla ban pynlong ia ka survey na ka bynta ki khynnah ba dkhot met hapoh ka Jylla.
“Ki don haduh 4000 ngut ki khynnah ba duna dkhot met kat kum ka jingkhein ba ai da ka Tnad Education. Ngi la bthah ia ki ban khein lang ia ki jingkhein, bad leh ia ka survey iaka jingdon ki khynnah ba duna dkhot met ha Jylla” ula ong.
Ha kajuh ka por, u Chairperson ka NCPCR ula bthah ia ka Tnad Pulit ban peit ngor halor halor ki palat 731 tylli ki pharmacy hapoh ka Jylla, kiba die ia u schedule H bad schedule x drugs khlem da ioh jingthoh na ki doktor.
 u Priyank Kanoongo Chairperson halor ka jingkynnoh ba don ki don iingkashari (Courts) kiba shim iaki case haba iadei bad ki kam shah thombor ki khynnah kynthei.){kind=link}