Nongstoiñ, Jylliew 20: Ka HYC Maweit Circle hynne ka sngi Palei, ka la dawa ia ka MePDCL ba kan pyntreikam noh ia ka sub-station kaba don ha Nongsba.
Ka HYC-Maweit kala aiti da ka dorkhas ha u u Executive Engineer ka MePDCL, West Khasi Hills ha ka jingiadon ryngkat ki nongialam ka HYC-WKH.
U President ka HYC-Maweit samla Jeremiia Dkhar, ula pyntip ba ka sub station ha Nongsba kala shu sah khongreng khlem da lah pyntreikam satia haduh mynta, kaba lam pat sha ka jingduh bording khah khah haka thain.
U ong ba ki paidbah ka thain khamtam ki Khynnah skul kila mad ia ki jingeh na ka jingthut ka bording khamtam mynta bala sdang ka eksam shiteng snem.
Ha kajuh ka por, ka seng kala dawa ia ka MePDCL ba kan pynieng noh ia ki post bording ba thymmai na Nongstoin shaduh ka sub-station Nongsba namar ki post bala don, kim la ban kit ia ka sub station.
