Shillong, Jylliew 10: Ka Sorkar Jylla kala shimkhia halor ka jingshah thngan ka Kong Bindas Syiem na Mawlong Nongtluh, Ri-Bhoi District kaba la dawa naka Sorkar Jylla ban pynbha iaka surok Nongpoh-Umden.
Ka shithi na u Deputy Commissioner (DC) ka East Khasi Hills, ka ong ba ka tnat Public Works Department (PWD) kala dep ban aiti iaka jingtyrwa ban pynbha iaka surok kaba 9.43 km lyngba ka skhim North East Infrastructure Development Scheme (NESIDS).
Ka jingtyrwa kadei ban pynbha iaka surok ka ban sdang na Nongpoh shaduh ka shnong Pordua.
Nalor kane, kala don ruh ka jingtyrwa ban pynbha iaka surok ba 44.00 km lyngba ka skhim PMGSY ia kaba ka Sorkar Jylla ka dang ap iaka jingmang pisa.
Halor kane, ka Sorkar Jylla ka kyntu iaka Kong Bindas ban weng noh iaka jingshah thngan.
U Deputy Commissioner ula ban jur baka Sorkar Jylla kala shimkhia halor ka jingpynbha iaka surok bad namar kane ka Kong Bindas ruh kadei ban sangeh noh iaka jingshah thngan.
Hashuwa kane ka Kong Bindas kala pynpaw ba kan weng iaka jingshah thngan tang lada ka Sorkar Jylla ka ai daka jingthoh ban mamramot iaka surok.
Ka shithi na u DC ka East Khasi Hills ka keew baka Sorkar Jylla kan pyntip ruh shaka Kong Bindas bad kiwei haba iadei bad ka jingtyllun ki kam bad la kyntu ruh baki paidbah ki lah ban buddien ia kane ka Project ha kano kano ka por long trei.
