Shillong, Jylliew 10 : U Nongialam ka Congress bad MP ba thymmai ka Tura Saleng A Sangma, ula ban jur ba un ym ailad satia ia u Myntri Rangbah barim ka Jylla Dr Mukul Sanga bad ia u para Zenith Sangma ba kin wan phai pat sha ka Congress.
“Phi ia ong la u Dr Mukul Sangma un wan phai biang ne em? Kum ka nuksa, ngi lah ban nym sngewtynnad ia u ban wan phai pat. Ban kren hok, ngim kwah ia u Zenith ba un wan phai pat sha ka Congress. Ai ba kin neh ha kaba don mynta” ong u Saleng haba iakren bad ki nongthoh khubor hynne ka sngi Nyngkong.
“Ngam tharai satia. Lada ki (Mukul bad Zenith) wan lyngba jong nga, ngan nym ailad shuh ia ki ban wan phai biang sha ka party namar ngam ialehkai politics bad ngim ju ialehkai politics hi ruh” ula bynrap.
Hynrei u Saleng ula ong ba kane ka rai kam dei satia kaba lah ban shim tang da ka party hapoh ka Jylla marwei haba iadei bad ka jingwan phai biang ki nongialam barim ka congress. Kat kum ka jingong jong u, ka party kan dang ban iakren ia kane ka bynta.
“Ngi pdiang sngewbha iano iano ruh hynrei ngi hap ban khmih bha ruh lem kumta ki lah ban pynkynrum kynram biang ia ka party. Haba kren hok, balei ba ngan shukor ia phi? Ki don ki briew ki ba wan phai bad hadien ki pynkynrum kynram biang ia ka jingtreikam ka Congress. Balei ngin leh ia kata” ula ong.
Haba kynthoh ba ma u kum u Nongialam ba thymmai ka Congress ha Ri-lum Garo, u Saleng ula ong “Em, ngam ong ia kata. Ngi dei ki nongialam ym tang ma nga hynrei ki don bun ngut, kiba la wan shakhmat ban kyrshan ia nga. Kila jied ia ki kum u Chairman ban khmih ia ki kam kum u MP. Kam shong tang ha nga marwei ban wanrah ia ka jingkylla. Ki don bun ngut kiba iatreilang kum ka Deborah, Billy Kid John Leslee Ferlin kiba la shah leh lyndet haka NPP, ki don ruh shibun na ka BJP”.
“Baroh kiba kyrshan ia nga, ki dei ki briew bad kila long bahaiing jong nga mynta. Ka politics jong nga hi ka dei u paidbah kumta kito ki riewthok riew shukor kin ym don jaka bad ngi” ula bynrap.
 wan lyngba jong nga, ngan nym ailad shuh ia ki ban wan phai biang sha ka party namar ngam ialehkai politics bad ngim ju ialehkai politics hi ruh” ula bynrap.){kind=link}