Shillong, Jylliew 05 : Ka Sorkar Jylla kala khot pynlong ia ka jingialang iasyllok bad baroh ki MLA, ki MDC bad ki Dorbar Shnong ka Greater Shillong, ban shim rai halor ki sienjam ban shim ha kaban iakhun pyrshah iau droks hapoh ka Jylla.
Kane ka jingialang ka dei kaba la khot pynlong da ka Tnad Social Welfare ha ryngkat ka Tnad kam Pohiing (Police) ka Jylla bad ka Ophis u Deputy Commissioner ka East Khasi Hills. Kane ka jingialang kan long ha ka 7 tarik Jylliew ha State Convention Centre, Shillong.
Kane ka sienjam ka dei shibynta jong ka Drug Reduction Elimination & Action Mission (DREAM) ba la sdang pyntreikam ha u Jylliew 2023-ka mishon ban tei ia ka “Meghalaya kaba lait na u droks’, ka ban don bun ki sienjam bad jingiatreilang jong ka Sorkar Jylla bad ki kynhun bapher bapher ha kaban ratdyngkhong ia ka jingdih droks hapoh ka Jylla.
Halor kane, u Myntri ka Tnad Social Welfare Bah Paul Lyngdoh, ula khot bad wer ia baroh ki Dorbar Shnong ka Greater Shillong ba kin wan iashimbynta ha kane ka jingialang. Ula ong ba ka jingwan iashimbynta jong ki bad ka jingkyrshan kan long kaba kongsan bha ha ka jingpyrshang jong ka Jylla ban iakhun ia u droks bad tei ia ka Jylla kaba shngain bad ba lait na u droks.
Kane ka jingialang kan iakren ruh halor ka jingithuh ia ki jingduna ha kane ka rukom treikam ba mynta kaba lah ban pynbeit da kaba iatreilang bad ki Shnong ki Thaw kum ki VDP.
 ka Jylla bad ka Ophis u Deputy Commissioner ka East Khasi Hills. Kane ka jingialang kan long ha ka 7 tarik Jylliew ha State Convention Centre, Shillong.){kind=link}