Shillong, Jymmang 31: Namar ka jingniew vote jong ka elekshon Lok Sabha 2024 ka ban long haka 4 tarik Jylliew, ka Tnad Pulit kala pynbeit thymmai ia ka rukom iaid kali ha kane ka sngi ha Shillong, ka ban treikam naduh ka por 8 baje mynstep.
Kane ka jingpynbeit kali thymmai ka dei kaba la pynkhreh namar ha kane ka sngi kan don ka jingwan poi bun ki kali jong ki sengsain pyrthei bad ki nongkyrshan ha jaka ieng kali SRT Polo.
Kat kum kane ka jingpynbeit iaid kali thymmai, la buh ba yn ym shah rung kali na Golf Link Tri-Jn sha Polo, ki kali kiba wan na Mawroh Jn kin hap iaid lyngba sha Tiara Restaurant Jn.
Pynthorumkhrah Assam Dairy Jn, Wahumkhrah Bridge hajan ka Gate JN Complex bad ki kali ba wan na Shyiap /Tiara Restaurant Jn kin hap ban iaid lyngba ka Mawroh.
Ym shah ia ki kali ban rung na Golf Club Jn sha Polo bad ki kali ki hap iaid lyngba ka Golf Link Tri-Jn.Tiara Restaurant Jn.
Ym shah ban rung ia ki kali na Lumjingshai Jn sha CRPF Jn bad ki kali ki hap iaid sha Lawmali Polo Market 4th Furlong /Polo Towers Jn.
Ym shah ban rung ia ki kali na Lumjingshai Jn sha Forest Colony bad ki kali ki hap iaid sha Matri Mandir Jn bad Lawmali
Ym shah ban rung ia ki kali na Polo Point sha CRPF Jn bad ki kali ki hap iaid sha Golf Club Jn, Tiara Restaurant Jn.
Ym shah ban rung ia ki kali na Merin’s Restaurant Jn sha Polo bad ki kali ki hap iaid sha Golf Link Tri-Jn, Tiara Restaurant Jn.
Ha kane ka sngi, ym shah ban iaid kali ha baroh kawei ka thain Polo naduh ka por 6 baje mynstep bad la kyntu iaki paidbah ba kim dei ban pynieng iaki kali.
Ym shah ban iaid ki kali heh kum ki Bus ha baroh kawei ka thain Polo.
La kyntu iaki paidbah ban kiar ka iaid kali shapoh ka thain Polo naduh ka por 8 baje mynstep haka 4 tarik Jymmang 2024.
Kane ka hukum kam treikam iaki kali ba don Pass bad ki kali Emergency Service.
