Shillong, Jymmang 31 : Ka Bharatiya Janata Party (BJP) Meghalaya, kala kyntu ia ka Sorkar Jylla ban kiar na kaba shim rai kyrkieh halor ka kam ban pyniasoh ia ki college bad ka Captain Williamson Sangma State University.
“Ka kam kum ka jingpyniasoh ia ki College ka dei kaba bun kiei kiei kiban don jingktah, khamtam ia ka lawei jong ki samla pule, ka daw balei ka Meghalaya BJP ka kyntu ia ka Sorkar ba kan nym shim rai kyrkieh halor kane ka kam” ong u Nongaiktien ka BJP Bah M Kharkrang ha ka kyrwoh.
U ong ba ka party kala ai jingmut ba dei ban khot shuwa ia baroh ki kynhun ba don bynta ban iasyllok bad ban poi sha ka jingia mynjur lang hashuwa ban shim ia kum kane ka rai.
“Ka Williamson Sangma University ka dei kaba dang shu mih thymmai katba ka NEHU ka dei kaba la rim bad bala paw. Ka degree n aka Central University bala paw ka kham kor haba phai sha ka jingleit pule ia ki kyrdan ba kham heh bad ka iohkam iohjam, ka jingshisha kaba hap ban pdiang shuwa ban shim ia kumkane ka rai” ula ong.
 Meghalaya, kala kyntu ia ka Sorkar Jylla ban kiar na kaba shim rai kyrkieh halor ka kam ban pyniasoh ia ki college bad ka Captain Williamson Sangma State University.){kind=link}