Shillong Jymmang 28: Ka kynhun JCCRP kaba kynthup ia ki saw tylli ki sengbhalang na ri Jaintia (JSU,JYF,JSM,JNC) kila kyntu ia ki paid nongshong shnong ka rilum Jaintia ban phah da ka jingthoh sha ka Expert Committe kaba peit khmih biang iaka State Reservation Policy 1972.
U General Secretary ka JSU u samla TR Suchen ula pynpaw ba ki sengbhalang kila shong jingialang ha ka Sngi Nyngkong ha sor Jowai ban ia pyrkhat halor ka jingpan kaiphot ka sorkar lyngba ka Expert Committe ka ba peit khmih biang iaka State Reservation Policy 1972.
“Ka JCCRP ka kyrpad ia ki nongshong shnong ka Ri-lum intia ba kin sngewbha ban thoh lang sha ka JCCRP shuwa ba kin phah sha ka Expert Committe namar lada pynmih shibun tylli ki jingpynsngew ka lah ban wanrah pynban iaka jingkulmar bad ka jing bym ia sngewthuh lang ia ka jingdawa” la ong u nongialam ka JSU.
Ka JCCRP kala pynpaw ba lada don mano mano kiba kwah ban thoh lane ban pynsngew shaphang ka jingkwah ban pynkylla ia kane SRP 1972 ba kin sngewbha ban phah lem ka jingthoh sha ka JCCRP da kaba phah lyngba kine ki Whatsapp number (7005806661,7005264971,6009-914196) hapoh ka 10 tarik u bnai Jylliew shuwa ba phah ska ka Expert Committe ha shuwa jongka 15 tarik u bnai Jylliew.
