Shillong, Jymmang 28: Wat hapdeng ka jingther u lap bah, ki dkhot ka Hynniewtrep Youth Council (HYC) hynne ka sngi kila leit synran ia u President u Bah Roykupar Synrem sha Sardar Police Station.
Ki pulit kila shah tang ia u Bah Roykupar Synrem ban rung sha Sardar PS katba ki dkhot, kila ap sha bar ka thanat.
La sakhi ruh ka jingsyrtap ki bor Pulit ha phyllaw jong ka Sardar Police Station.
Lah ban kdew hangne, u President ka HYC ula shah khot hajir halor ka jingleit kyndang ka HYC iaki longiing ba sah ha Lum Survey haka 23 tarik tarik Jymmang 2024.
Da ki phew ngut ki dkhot ka HYC haka ryngkat ka jingpyrta pynrem iaka Sorkar bad iaka tnat Pulit, kila synran ia u President Bah Roykupar Synrem ban leit mih hakhmat u Investigation Officer (IO) ha Sadar Police Station.
Ki Pulit kila Register Case bad pynngat iaki nongialam ba hakhmat eh jong ka HYC ha ki kyndon bapher bapher kynthup ka MMPO Act.
Ki arngut kiwei pat ki Nongialam-u Vice President Donboklang Kharlyngdoh bad u Asst General Secretary Isaac Basaiawmoit kin sa leit hajir ha kine ki sngi ban wan hakhmat u IO.
Haba kren sha ki lad pathai khubor hadien ba mih na Sardar PS, u President ka HYC ula ong “Ka jingwan mih sha Thanat kadei ban ai statement halor ki case bala shah Register haki Pulit. Iaka Case pyrshah ia ngi la pynngat hi daki Pulit ha kiba bun ki kyndon ka IPC kynthup ka MMPO.
Hynrei ula ong ba kum ki Nongialam, ki long kiba kloi ban iatreilang bad ki Pulit lada ka case ka iaid ruh, ki nongialam kin iatreilang bad ka ain.
“Ki ba bun ki paidbah ki la dep iohi shai ia ka jinglong jingman jong ka jaka ha Lum Survey bad ka seng ka la pyndep Ia la ka jong ka kamram kumba ka la kren” ula ong.
Ula ong kum kine ki jingpyngngat case ki dei ki jingiaid lynti jong ki nongialam ba kin hap ban mad.
 hynne ka sngi kila leit synran ia u President u Bah Roykupar Synrem sha Sardar Police Station.){kind=link}