Shillong, Jymmang 23 : Ka KSU Umsning Circle kala aipor lai sngi ia ka State Bank of India (SBI) Umsning Branch, ba kan pynbiang ia ka jingshakri jong ka Automated Teller Machine (ATM).
Ka KSU hapoh ka jingialam u President samla Lester Nongbet, hynne ka sngi Palei, kala leit iakynduh bad ai da ka jingthoh ha u Manager ka SBI Umsning halor ka jingbym treikam thikna ka ATM ha ka thain.
Ka KSU Umsning circle ka la shim ia kane ka sien jam hadien ka jinglap ia ki jingdkoh jong ki machine ban shakri ia u paidbah khamtam ba kane ka Bank ka dei kaba khmih haduh 260 tylli ki shnong.
Ka KSU ka iathuh ba ka ATM ba jan tam na Umsning ki kynthup ia ki ATM ha Nongpoh bad Umiam, kiba jngai haduh 30 KM bad 22 Km. Ka ong ba ka jingbym lah ban shakri bha jong ka ATM ha Umsning kala ktah jur ia u paidbah khamtam uba wan najngai uba hap ban pynlut ka bai kali bad kiwei kiwei.
Namar kane, kala aipor lai sngi ia u Manager lem kumta ka seng kan shim ia ka sienjam ban khang tala syndon ia ka Branch ha Umsning.
