Shillong, Jymmang 19: Ka Jylla Meghalaya kala ioh pynlong ia ka Selection Trials jong ka Indian Kayaking Canoeing Association (IKCA) ha Whitewater Village ha ka 18 bad 19 tarik u Jymmang ban jied iaka kynhun jong ka ri India, ka ban leit iashimbynta ha ka 2024 ICF Canoe Slalom World Cup bad ia ka Kayak Cross Events, kaba long kaba kongsan bha naka bynta ka Paris 2024 Olympic Games.
Palat 25 ngut ki nongiashimbynta na kylleng ka ri India kila wan ban iashimbynta kaba kynthup ia ki kynhun kiba tbit na ka jylla Madhya Pradesh, Karnataka bad ka kynhun na ka jylla Meghalaya ruh kala iahsimbynta shitrhem ha kane ka jingiakob.
Da kaba pynlong ia katei ka jingiakob, kala paw ruh ba ka jylla Meghalaya kala kiew irat bha ha katei ka kam ialehkai.
Ha ka K1 Women’s Category, ka Elizabeth Vincent na Meghalaya kala wan haka kyrdan kaba 3 katba ha ka Kayak Cross pat ka Elizabeth Vincent kala ioh bat ia ka kyrdan kaba nyngkong.
Ha ka K1 Men’s Category, u Batskhem Nongbak ula wan ha ka kyrdan kaba 6 katba u Pynshngaiñ Kurbah ula wan ha ka kyrdan kaba 8, u Manbhalang Kharkrang ula wan ha ka kyrdan kaba 9.
Ha ka C1 Men’s Category, u Indra Sharma na Meghalaya ula wan ha ka kyrdan kaba 6.
Kine ki nongialehkai mynta kin ioh ban mihkhmat iaka ri India ha ki rynsan bapher kiban long ha kylleng ki rid a ka jingthmu ban ioh rung sha ka Canoe Slalom Events ha ka Paris 2024 Olympics.
Ka jingpynlong ka Meghalaya ia ka 2024 ICF Canoe Slalom World Championships kala nang jam shaphrnag ha kaban pyni ba ka jylla ka lah ruh ban pynlong ia ki jingiakob kiba heh bad iaka jingtrei shitrhem ha kaban kyntiew ia ka water sports.
Katei ka kynhun kaba la shah jied ban mihkhmat ia ka ri India kin pynkhreh ban iakhun pyrshah ia kiwei pat ki ri ha ki rynsan iakob kiba heh bad kan long ruh ka sienjam kaba kongsan ia ki nongialehkai ban pynkhreh bha ialade ban ioh rung sha ka Olympic bad ban pynurlong ruh ia ka jingthmu ban ioh khur ia ki takma.
