Shillong, Jymmang 17: Ka Khasi Students’ Union (KSU) ha ka sngi Thohdieng, kala dawa ia ka Sorkar Jylla ban sei paidbah ia ki mark ba ioh da ki nongiakhun kam hashuwa ba kin leit sha ka Walk-in-Interview ban rung kam nos da kaba iateh kontrak.
Ha ka shithi sha ka Director of Health Services (DHS), u Chairman ka KSU-Employment Monitoring Cell Reuben Najiar ula ong ba ka KSU ka pynpaw ia ka jingsngewkhia halor ki jingkynnoh jong ki nongiakhun kam kiba aplai ia ka kam Staff Nurse kat kum ka jingpynbna laitkam ba 06/03/2024 bala pynmih da ka Ophis ka DHS,Shillong.
Ula ong ba kat kum ka jingpynbna laitkam, kila don shibun ki buh bala buh da ka Ophis ban jied ia ki kyrtong na ka bynta ka interview kat kum ka jingwan shakhmat jong ki, hynrei kila mih pat shibun ki jingkynnoh jong ki nongaplai kam ki bym mih kyrteng ha ka thup interview, ba ka thup ka dei kaba leh thok bad ba ia ka thup la pynkhreh halor ka jingphah jong ki briew ba don ha ka bor kiba bat ia ki kyrdan bapher bapher hapoh ka Sorkar.
Kila mih ruh ki jingkynnoh ba ki nongapkai kam bala shah jied ban leh interview kim shym la kot kat kum ki kyndon bala buh da ka Ophis katba ki nongaplai kiba shah pyndep ki dei kiba pyndep ia baroh ki kyndon.
“Namar kata, khnang ban shai halor ka thup ki kyrtong bala shah jied ban leh interview bad ban kiar ia ka jingkynnoh jied bahaiing ne paralok, ka KSU ka kynti ba ia ki mark jong baroh ki kyrtong kiba aplai ia ka kam dei ban pynmih paidbah khnang ban iashai lut. Kala dawa ban sei madan ia ki mark jong baroh hashuwa ka walk-in-interview” ong u samla Reuben.
Ka KSU kala pan jingshai ruh ba ka don ne em ka lad ba ki kyrtong kiba la shah jied ia kane ka kam kontrak kin shah thung kam pura pat lashai lashisngi.
 ha ka sngi Thohdieng, kala dawa ia ka Sorkar Jylla ban sei paidbah ia ki mark ba ioh da ki nongiakhun kam hashuwa ba kin leit sha ka Walk-in-Interview ban rung kam nos da kaba iateh kontrak.){kind=link}