Nongpoh, Jymmang 14 : Ki nongshongshnong ka shnong Erpakon kila pynrem jur ia ka jingshah pyniap u Bah Kyrmen Lyngdoh Nonglait bad pynlong da ka rally rah lama iong ha ka por leit ontep ia ka met ba sah jong une u rangbah hynne ka sngi.
Ki Nongshongshnong kila dawa ruh ia ki bor ka ain ba kin pynioh ia ka jingbishar kaba hok ia u Bah Kyrmen uba la 38 snem ka rta.
U Bah Kyrmen ula shah pyniap ha ka 11 tarik Jymmang ha shnong Erpakon. Ia ka met jong u la pyndep ia ka post mortem ha NEIGRIHMS.
Ki nongshongshnong ka Erpakon kila iatylli lang kawei bad rah ia ki lama iong bad ki banner ba kyrpad ia ki bor ka ain ba kin ai ka jingpynshitom ba tyngeh ia kiba adonkti ha kane ka kam bymman.
