Nongstoin, Jymmang 13 : Ka Hynniewtrep Youth Council (HYC) hynne ka sngi Nyngkong, kala pynbteng ia ka jingkhynra droks bad kyaid ha Iew Nongstoin bad ioh kem ia 4 ngut ki nongdie bad nongdih droks.
Ia kane ka jingkhynra la ialam da ka HYC-Nongstoin Circle bad la synran lang da ki Nongialam ka HYC-West Khasi Hills bad ki Longkmie ka thain Nongstoin.
Kane ka seng kala ioh kurup ruh ia katto katne u droks bad ka kyaid bad kala thang shisyndon ia ki hakhmat jong ki Pulit. Ia kine ki briew ba ioh kem, la aiti noh sha ki Pulit ba kin leh ia kaba donkam.
U Vice President ka HYC-Nongstoin Circle samla Olivertwist Marngar ula pyntip ba ka HYC kan dang iai bteng ban pynlong ia ki jingkhynra na ka por sha ka por namar ka dei ka jingangnud u paidbah ban iakhun bad ratdyngkhong ia u drok naka thain.
Ha kajuh ka por, ula kyntu ia u Syiem ka Hima Nongstoin ba un pynpra noh ia ki dukan kiba shu ieh iingjah ha Iew Nongstoin namar la shem ba kine ki dukan kila kylla long ki jaka riehtngen bad ka ktem dih droks.
