Shillong, Jymmang 13 : Ka jingiathep vote ha ki 96 tylli ki constituency Lok Sabha jong ki 10 tylli ki Jylla bad Union Territories, kaba dei jong ka Phase-IV, kala iaid shakhmat bad u Myntri Rangbah Duh ka Ri Narendra Modi lem bad ki Nongialam ka Congress Mallikarjun Kharge bad u Rahul Gandhi kila kynti ia ki paidbah ba mih thep vote.
Ka jingiathep vote kala iaid ha baroh 175 tylli ki Assembly constituency ka Andhra Pradesh bad 28 tylli ki Assembly constituency ka Odisha. Ka jingiather kala iaid ha ki 17 tylli ki Lok Sabha seat ha Telangana, baroh 25 seat ha Andhra Pradesh, 13 tylli ha Uttar Pradesh, 5 ha ihar,4 ha Jharkhand, 8 ha Madhya Pradesh, 11 ha Maharashtra, 4 ha Odisha, 8 ha West Bengal bad mar kawei ka Jammu & Kashmir.
Jan kumba 17.48 lak ngut ki nongthep vote kila ioh ban thep vote ha ka elekshon jong ka Srinagar Lok Sabha constituency ha kaba 24 ngut ki kyrtong kila iakhun.
Ka jingpoi jong ki paidbah ban thep vote ha ki lai tylli ki phase jong ka Lok Sabha kala kot 66.14 %, 66,71% bad 65.68 %.
