Shillong, Jymmang 05: Ka KSU Rangshken Unit ha ka 4 tarik, ka la pynhap pyrda noh ia ka Lympung ialehkai T20 1st Maitshaphrang Khasi knockout Cricket tournament ba la pynlong ha Madan Kseh Bilat Rangshken.
Ha kane ka lympung ialehkai, ka Rangshken CC kala rah iaka nam lahduh daka ba pynliem iaka Shaphrang CC Mawphlang.
Ka Rangshken ka la ioh ban tied nyngkong bad kala kamai 130 run hynrei ka Shaphrang CC haba beh iaka thong kala ioh ban tied tang 72 bad hap lut ki Wicket baroh.
Ka Rangshken Area CC kaba ioh rah iaka nam lahduh kala rah ia ka song pisa ba T. 10,000 hajar lem Trophy bad ka Shaphrang CC ka la ioh rah ia ka song pisa ka ba T. 5000 hajar bad ka trophy.
Ha ka Final, iaka khusnam Man of the Match bad ia ka Most Wicket Taker la ioh ban rah da u Sarjonesk Kharphuli jong ka Rangshken CC bad ia ka Best Catch Taker la ioh ban rah da u Gary Dkhar na ka kynhun Shiparlok.
Ha kane ka sngi la ia don ryngkat da u Samla Pynshaiborlang Rani information and publicity secretary KSU seng kmie bad u samla Nathanial Rymmai ha ryngkat ki nongialam ka KSU Rangshken Unit naduh u samla Nestarjune Matbaniang, u samla Marchkupar Thabah president KSU Sohiong circle, Emosjohn Syiemlieh President Nongspung Circle bad ha ryngkat ki rangbah shnong, secretary shnong jong ka shnong Rangshken.
