Shillong, Jymmang 05 : Ki Nongialehkai Karate jong ka All Meghalaya Karate-Do Association, Shillong, kila ioh ban khur haduh 57 tylli ki takma kynthup ia 10 tylli ki takma ksiar na ka lympung DEO HAH All India Karate Championship, 2024.
Haduh 74 ngut ki Karatekas (nongialehkai karate) jong ka AMKA kila leit ban iashimbynta ha kane ka lympung kaba long ha ka 27 bad 28 tarik Iaiong ha Kamabir Nabin Chandra Bordaloi Indoor Stadium, Sarusajai, Guwahati.
Ia kane ka kynhun la ialam da u Arjun Sewa, Bah Donboklang Lyngdoh bad Bah Mingson Rymbai.
Ka kynhun kala ioh ban khur haduh 10 tylli ki takma ksiar, 18 tylli ki takma rupa bad 29 tylli ki rnong.
I Sa-I Banmanmirbha Blah iba ioh ia ka takma ksiar ha ka jingialehkai Individual Kumite ha ka kyrdan Cadet Girls.
Ha ka junior girls kiba ioh ia ka takma ksiar ki dei i Clarenda Lyngdoh iba ioh ia ka Individual Kumite, I Daphilahun Mary Wahlang iba ioh ia ka Individual Kumite, i Inlumlang Skhemiew iba ioh ia ka Individual Kumite bad Best Karatekas.
I samla Carene Rapthap ila ioh ia ka takma ksiar ha ka jingialehkai Individual Kumite jong ki senior girls.
Ha ka jingialehkai ki shynrang, u heprit Eric Banteinam Ryngnga ula ioh khur ia artylli ki takma ksiar bad kawei ka rnong ha ka jingialehkai Sub Junior Boys jong ka Individual Kumite, Individual Kata bad Best Karatekas.
Nalor une u heprit, u heprit Aibor Jyrwa ula ioh ia ka takma ksiar ha ka Sub Junior Boys ha ka Individual Kumite nalor u heprit Damelambha Rymbai uba ioh khur ia ka takma ha ka Individual Kumite.
Ha ka kyrdan Cadet Boys, u heprit Hymnson Challam ula ioh ia ka takma ksiar ha ka Individual Kumite bad uwei u heprit uba ioh khur ia ka takma ksiar ha ka Junior Boys ha ka Individual Kumite bad shah jied ruh kum u Best Karatekas. Une u heprit u kyrteng u Gideon Tympuin.
Ka thup jong ki nongialehkai kiba ioh khur takma ki long kine harum:
