Goalpara, Nailar 08: Ki dkhot ka tnat Directorate of Vigilance bad Anti-Corruption Department, hynnin ka sngi U Blei, ki la kem ia uwei u pulit ophisar ka Assam halor ka jingkynnoh dawa pisa jubor .
Ia une u pulit la tip kyrteng kum u Sabin Pal Das, ASI napoh Matiya police station ka ba hap hapoh ka Goalpara district ka Assam.Une u pulit u la shah kem markhmat hapoh ka police station katba u dang shimti ia ka pisa bamsap.
Ha ba pynpaw lyngba ka Twitter, na ka liang u DGP ba kyrpang ka Assam, u GP Singh u la ong, ”Ngim don jing map wat ia ki pulit jong ngi. Mynta ka sngi, ki dkhot ka DIR-VAC ki la pynap shrip bad ioh kem markhmat ia u Sabin Pal Das katba u dang shim ia ka pisa bamsap”.
Ha kawei pat ka bynta, mynta une u pulit ophisar u la don hapdeng ka jingtohkit kaba bniah.
Ka ba kum kane ka juh ka jingjia ka la jia ruh ha kane ka sngi Saitjain ba la lah pyrshah ia u registrar ka Bhattadev University ha Pathsala ka ba hapoh Bajali district katba u dang shim ia ka pisa bamsap.
