Shillong, Iaiong 13: Ka KSU Mawkynrew Circle lyngba ka KSU Mawsna Unit ha ka sngi Thohdieng kala noh synniang da ki Ben bad ki Miej sha ka skul Mawsna Presbyterian L.P School kum shi bynta ban tynrong lem ia ki jingdonkam kyrkieh jong katei ka skul.
Katkum ka kyrwoh khubor nakaKSU, kala pyntip ba la pyniaid ia ka jingialang da u nonghikai skul u Babu Phring Lynshing bad la ioh jingkren na u Bah Manly Nongpluh Finance Secretary ka KSU, u Babu Noren Manar u Headmaster jongka Mawsna Presbyterian L.P School, u Samla Randing Suting u President KSU Mawsna Unit bad u Samla Elas Umsong u President ka KSU Mawkynrew Cirle.
Ia kitei ki tiar la aiti da u Bah Manly Nongpluh bad u Samla Alerick Kharjana Assistant Office Secretary KSU sha ki nongpyniaid ka tei ka skul.
