Shillong, Lber 05 : Ha kine ki shitaiew bala leit noh, ka Meghalaya BJP Kisan Morcha, ba ialam da u President Ralden Bryan Shabong, kala pynlong ia ki prokram bapher bapher ha Umsaw Mawjynrong, Mawlai da ka jingthmu ban pynioh ia ka koit ka khiah ki jingiarap ia ki paid nongrep.
Ha kawei na kine ki prokram, ka BJP Kishan Morcha kala pynlong ia ka free health camp kaba la long kum ka jingkyrkhu ia ki paidbah ka thain. La pynlong ia ka jingkhmih bniah ia ki jingpang ryngkat ka ai dawai dashin.
Ha kane ka juh ka prokram, ka party kala iarap ia ki nongrep ban plie ia ka zero balance saving account ban pynthikna ba bun ki briew kin don noh ia ki account ha ki bank. Ia kane ka kam la leh ha ryngkat ka jingiatreilang bad ka CR Project lem bad ka Suraksha Company bad ka IDFC Bank Shillong.
Ha kawei pat ka prokram, ka BJP Kisan Morcha kala pynlong ia ka jingpynsngewthuh paidbah halor ka rukom rep ka juk ba mynta bad sam ruh ia ki symbai jhur, ka dawai pyniap khniang bad ka dawai sboh ha Diengpasoh.
