Shillong Lber 01: Uwei u rangbah ula khlad ha shen, hadien ba ka thuk thuk kaba u niah kala leit rung ha ki shaka kali jongka trok.
Kane ka jingja kala jia hynne ka sngi Thohdieng, ha ka HP Pump kaba don haka Mawbian, West Khasi Hills.
Une u rangbah uba la khlad noh la tip kyrteng kum u Bah Phrailannes Nongsiej, 54 snem ka rta, uba shong ba sah ha ka shnong Mawranglang, South West Khasi Hills.
Katkum ki khubor ba la iohlum, la iathuh ba u Bah Phrailaness ula niah iaka thuk thuk kaba don ia u nombar ML 06 4170 bad kane ka thuk thuk kala leit rung shapoh khrum bad ha ki shaka jong ka trok kaba don ia u nombar ML06A 2572 kaba la niah da u Bah Obarlin sohshang uba na ka shnong Mawsaw, West Khasi Hills.
U nongniah thuk thuk ula khlad noh ha shen namar ka jingmynsaw jur bad ki pulit mynta ki dang pynlong ia ka jingtohkit halor kane ka jingjia.
