Jowai, Rymphang 29: Ka Khasi Students Union-Jowai Circle hynne ka sngi Palei, kala hiar jurip ia ka hostel jong ka skul Govt. Girls’ Higher Secondary, Jowai bad shem ba kane ka hostel ka dei kaba la shu ieh bad khlem pyndonkam shuh.
Ka KSU kala iakynduh ruh ia Principal jong ka skul ha kaba la pyntip ba ka skul kala phah ia ki shithi pynkynmaw sha ka Tnad ba dei khmih halor kane ka hostel ba pynpaw ba kane ka hostel ka dei ka bym long shuh ban maramot.
La pyntip ruh ba kala don ka jingjurip ha u snem 2023 ia kane ka hostel bad shem ba kam long shuh ban maramot.
Ka KSU kala pyntip ba kan sa leit buddien ia kane ka kam sha ki bor ba halor khnang ba ki samla pule kiba dei na shabar ka sor Shillong kin ioh jingmyntoi.
Lah ban kdew ba kane ka hostel ka dei kaba lah ban ngiam haduh 80 ngut ki samla pule hynrei la shu ieh khlem pyndonkam shuh iaka naduh u snem 2018.
