Shillong Nailar 03: U Myntri Kam Pohiing ka jylla u Bah Lahkmen Rymbui u la kyrmen skhem ba ka jingiakren iasuk hapdeng ka HNCL bad ka Sorkar India lem bad ka Sorkar Jylla kan poi sha ka jingiasngewthuh jingmut ban lah wanrah ia ka jingshongsuk shongsain ha ka Jylla.
Kane ka jingpynpaw u Myntri kala mih hadien ba ka HNLC kala pynbna ia ka jingai bor ia u Vice Chairman bad ki Secretary ba kin leit mihkhmat ia ka seng sha ka miej iakren iasuk bad ka Sorkar India bad Sorkar Jylla.
Haba kylli, u Bah Rymbui u la ong, “Ïa mynta hi ngam pat kwah ban kren eiei hynrei ngi dei pat ban ailad ban don ka jingiakren iasuk bad ngi ieh ruh haka jingstad jong u Ksiang ba la thung da ka sorkar ban ia pynbeit iaka jingialang ban iakren iasuk bad ki nongialam ka HNLC”.
U Bah Rymbui ym shim la treh ruh ban iathuh ka HNLC ka don katno ngut ki dkhot ne ia ka jingrung jingmih jong ki HNLC ha kaba iadei bad ka jingiakren iasuk.
