Guwahati, Rymphang 19: Ka Crime Investigation Department (CID) ka Assam, kala khot hajir ia u Nongialam ka Congress Rahul Gandhi ha ka sngi Nyngkong halor ki jingjia pynjulor nongkynti kaba jia ha ka Bharat Jodo Nyay Yatra ha Assam.
Une u Nongialam ka Congress u don mynta ha Uttar Pradesh kum shibynta jong ka Bharat Jodo Nyay Yatra.
Une u MP ka Congress na Wayanad ula shah bthah ban wan mih hapoh ka Ophis ka CID kaba don ha Ulubari, Guwahati ha ka 23 tarik Rymphang.
Ha ka Bharay Jodo Nyay Yatra ba long ha Assam, ki Nongkitkam ka Congress kila iapynibor bad ki Pulit hadien ka jingshah khang lynti ban rung sha Guwahati.
Ha ryngkat u Rahul Gandhi, ki don ruh ki nongialam ba hakhmat ka Congress ba kynthup ia u General Secretary ba khmih ia ka Communication Jairam Ramesh, General Secretary Organisation KC Venugopal bad General Secretary ba khmih ia ka Assam Jitengdra Singh Alwar. Kine ruh kila shah khot hajir ban wan mih hakhmat ka CID.
Baroh ki Nongialam ka Congress ha Assam ruh kila shah bthah ban wan mih ha ka por 11:30 mynstep ha ka 23 tarik.
 ka Assam, kala khot hajir ia u Nongialam ka Congress Rahul Gandhi ha ka sngi Nyngkong halor ki jingjia pynjulor nongkynti kaba jia ha ka Bharat Jodo Nyay Yatra ha Assam.){kind=link}