Shillong Rymphang 15: U Nongiasaid aiñ jong ka Shillong Bar Association u Bah Peter Shylla, hynne ka sngi Palei ula pynbna paidbah ban iakhun iaka elekshon MP Lok Sabha na ka Shillong Constituency kum u Kyrtong Khlem Seng ne Independent.
U Bah Shylla udei uba shong ba sah ha Laitkor, Shillong bad u don ia ka jingthmu ban iakhun kum u kyrtong khlem seng da kaba buh hakhmat eh ia ki mat kiba kongsan kiba ki paidbah ka Meghalaya ki mad jingeh.
Da ka jingmih mynta ka jong u Bah Shylla, ki nongiakhun iaka elekshon MP na Shillong Constituency ki don 6 ngut, kiba kynthup ia u MP ba mynta u Bah Vincent H Pala na ka Congress, Ka Myntri Sorkar ka Kong Ampareen Lyngdoh na ka National People’s Party (NPP), u Prof. A. J Syngkon na ka Voice of the People’s Party (VPP), u Bah Robertjune Kharjahrin na ka United Democratic Party bad u kyrtong khlem seng u Prof. Lakhon Kma.
